www.santurtzieus.com

ORDEZKAKETA 2

LAGUNTZA

ARIKETA GEHIAGO

UNITATEAK

Behean dituzu IKUSI eta BEGIRATUren kide diren aditz batzuk eta beren esanahia. Hurrengo perpausetan zerrendako aditz bana erabili beharko duzu BEGIRATU ETA IKUSI aditzen ordez.

He aquí algunos verbos cercanos a IKUSI y BEGIRATU y su significado. En las siguientes frases deberás sustituir los verbos BEGIRATU y IKUSI por alguno de los de la lista anterior.

 

 

IKUSI eta BEGIRATU aditzen kideak:

BEHATU, SO EGIN: begiratu

BEGIRA-BEGIRA EGON: Arreta handiz begira egotea

IKUSMIRAN EGON, IKUSMIRATU: inporta ez zaion zerbaitetara begira egotea

BEGIZTATU: urrutiko zerbait begiz atzeman / zerbaiti begiratu bat eman

BEGIZ JO: Zerbait atsegin eta interesgarria ikusitakoan gogoan hartu

MIATU, ARAKATU, AZTERTU, IKERTU: Zerbaiten bila nonbait arretaz begiratu.

KIRIKA EGIN, KIRIKATU: Disimuloz begiratu, inor ez ohartzeko moduan, zirrikitu batetik edo

ZELATAN EGON, ZELATU: leku ezkutu edo apropos batetik zaintzen egon

Ordezka itzazu IKUSI eta BEGIRATU aditzak:

  1. Sartu berriak axolagabeki begiratu zion tabernariari

  2. Amak isil isilik begiratu zuen erdi irekia zegoen atetik eta haurrak jolasean ikusirik berriro joan egin zen

  3. Liburu hori azaletik ikusi dut

  4. Gudari zaharra zaintzen zegoen baserriko horma erorien artean etsaiak noiz etorriko, eta halako batean hegazkin aleman bat ikusi zuen urrutiko laino artean

  5. Matildek goitik behera begiratu zuen armarioa eta hala ere ez zuen osaba Jeronimoren argazkirik aurkitu

  6. Istripuaren lekuan jende asko zegoen begira, baina inork ez zuen laguntzen

  7. Entrenatzaileak batetik bestera gelditu gabe zebilen jokalari gaztea ikusi zuen eta hurrengo igandean ekipoan sartu zuen

  8. Neska-mutilak korrika sakabanatu ziren patioan nor bere txokoan ezkutatzera. Bitartean Mirarik ozenki kontatzen zuen "bat, bi, hiru, lau…", eta noizbehinka beso azpitik begiratu egiten zuen inor ez konturatzeko moduan

  9. Martin begira zegoen telebistaren aurrean, aho zabalik deus ere esan gabe

  10. Igeltseroak pareta egiten ari zirelarik begira egoten ginen eskolako haurrak denbora pasa

  11. Aitorrek, bestei jaramonik egin gabe, kapelu zabala zeraman neska bat ikusi zuen eta haren atzetik ibili zen arrats osoan berarekin hitz egin nahian

  12. Detektibeak arreta handiz ikusi zituen bildutakoen aurpegiak

 

 

Zuzenketa-orria

  1. Sartu berriak axolagabeki BEHATU zion tabernariari

  2. Amak isil isilik SO EGIN zuen erdi irekia zegoen atetik eta haurrak jolasean ikusirik berriro joan egin zen

  3. Liburu hori azaletik BEGIZTATU dut

  4. Gudari zaharra zaintzen zegoen baserriko horma erorien artean etsaiak noiz etorriko, eta halako batean hegazkin aleman bat BEGIZTATU zuen urrutiko laino artean

  5. Matildek goitik behera MIATU zuen armarioa eta hala ere ez zuen osaba Jeronimoren argazkirik aurkitu

  6. Istripuaren lekuan jende asko zegoen IKUSMIRAN, baina inork ez zuen laguntzen

  7. Entrenatzaileak batetik bestera gelditu gabe zebilen jokalari gaztea BEGIZ JO zuen eta hurrengo igandean ekipoan sartu zuen

  8. Neska-mutilak korrika sakabanatu ziren patioan nor bere txokoan ezkutatzera. Bitartean Mirarik ozenki kontatzen zuen "bat, bi, hiru, lau…", eta noizbehinka beso azpitik KIRIKATU egiten zuen inor ez konturatzeko moduan

  9. Martin BEGIRA-BEGIRA zegoen telebistaren aurrean, aho zabalik deus ere esan gabe

  10. Igeltseroak pareta egiten ari zirelarik IKUSMIRAN egoten ginen eskolako haurrak denbora pasa

  11. Aitorrek, bestei jaramonik egin gabe, kapelu zabala zeraman neska bat BEGIZ JO zuen eta haren atzetik ibili zen arrats osoan berarekin hitz egin nahian

  12. Detektibeak arreta handiz AZTERTU zituen bildutakoen aurpegiak